የቶር አጠቃቀም ለዊንዶውስ

ይህ መመሪያ የቶር ማሰሻን በማይክሮሶፍት ዊንዶውስ እንዴት መጠቀም እንደሚችሉ ያሳያል፡፡

ቅድመ ኹኔታዎች፦  የኢንተርኔት ግንኙነት፣ ዊንዶውስ ሰባት እና ከዚያ በላይ የተጫነበት ኮምፒውተር

በዚህ መመሪያ ላይ የተጠቀምናቸው ስሪቶች:

• ዊንዶውስ 10 ስሪት 1703
• ቶር ማሰሻ: 8.0.3

  ፈቃድ፦ ነጻ ሶፍትዌር፤ የተለያዩ ነጻ ፈቃድ ያላቸው ሶፍትዌሮች

  ተጨማሪ ንባቦች:

  ደረጃ: ከጀማሪ እስከ መካከለኛ

  የሚወስደው ጊዜ: 15-30 ደቂቃ

  • • https://www.torproject.org/docs/documentation.html.en
    • https://tor.stackexchange.com/
    • https://www.eff.org/pages/tor-and-https
    • https://www.youtube.com/playlist?list=PLwyU2dZ3LJErtu3GGElIa7VyORE2B6H1H

ቶር ምንድን ነው? anchor link

ቶር መስመር ላይ ማን እንደኾኑ እና የት ሆነው ግንኙነት እንደሚያደርጉ፣ በመሸፈን ድብቅነትን እና ግላዊነትን የሚያስጠብቅ በበጎ ፈቃደኞች የሚሰጥ አገልግሎት ነው። ይህ አገልግሎት ከራሱ ከቶር አውታረ መረብ ጭምር ይከላከላል፤ ከሌሎች ቶር ተጠቃሚዎች የተሸሸጉ መሆኑን እርግጠኛ መሆን ይችላሉ፡፡

መካነ ድሮችን በሚዳስሱበት አንዳንድ ጊዜ ድብቅነትን እና ግለኝነትን ለሚፈልጉ ሰዎች የቶር ማሰሻ ፈጣን እና ቀላል በሆነ መንገድ የቶር አውታረመረብን ያቀርባል፡፡

የቶር ማሰሻ የሚሰራው እንደማንኛውም ድር ማሰሻ ነው፡፡ ድር ማሰሻዎች መካነ ድሮችን ለማየት የምትጠቀሙባቸው ፕሮግራሞች ናቸው፡፡ እንደ ክሮም፣ ፋየርፎክስ፣ እና ሳፋሪ ሲሆን ከእነርሱ የሚለየው ቶር ማሰሻ የእርስዎን ግንኙነቶች የሚልከው በቶር ስለሆነ ነው፡፡ ይህም መስመር ላይ ምን እየሠሩ እንደኾነ ማወቅን እና እየተጠቀሙት ያለውን ድረ ገጽ ከየት ኾነው እንደከፈቱት በማወቅ እርስዎን ለሚቆጣጠሩ ሰዎች አዳጋች ያደርግባቸዋል።

ድብቅ የሚሆነው በቶር ማሰሻ ውስጥ ገብተው የሚያደርጉት እንቅስቃሴ ብቻ እንደሆነ በህሊናዎ ያኑሩ። የቶር ብራውዘር በኮምፒውተርዎ ላይ ተጫነ ማለት በተመሳሳይ ኮምፒውተር ሌላ ሶፍትዌሮችን (ለምሳሌ መደበኛ የድር መዳሰሻዎን) በመጠቀም የሚሠሯቸውን ስራዎችን ድብቅ አያደርግም።

የቶር ማሰሻን ማግኘት anchor link

እንደ ፋየርፎክስ፣ ክሮም፣ ኢንተርኔት ኤክስፕሎረር ወይም ማይክሮሶፍት ያሉ የድር ማሰሻዎች መካከል ይክፈቱና ወደ:

https://www.torproject.org/download/download-easy.html.en ይሂዱ፡፡

ቶር ማሰሻን ለማግኘት ድር ማሰሻ እየተጠቀሙ ከሆነ ዩአርኤሉን በትክክል መጻፍዎን ያረጋግጡ፡፡

ምንም አይነት ሌላ ምንጭ አይጠቀሙ አማራጭ ደኅንነት ፍቃዶችን HTTPS (SSL/TLS) እንዲቀበሉ ከተጠየቁ አይቀጥሉ፡፡

መካነ ድርዎ የእርስዎን ኮምፕዩተር ስርዓተ ክወና በራሱ በማወቅ ለዊንዶውስ የሚሆነውን ትክክለኛ ፋይል እንዲያገኙ ያደርጋል፡፡ ይህ የማይሰራ ከሆነ ትክክለኛውን ስሪት ለመጫን ሃምራዊውን አዝራር ቀጥሉ ያለውን በመጫን ማግኘት ይችላሉ፡፡

አንዳንድ የድር ማሰሻዎች ይህንን ሰነድ ማውረድ እንደሚፈልጉ ማረጋገጫ ይጠይቅዎታል። ማይክሮሶፍት ኤጅ በድር መዳሰሻው ገጽ የታችኛው ክፍል ላይ አሞሌ ያሳያል። በማንኛውም ማሰሻ ከመቀጠልዎ በፊት ፋይሉን ማስቀመጥ ይኖርብዎታል፡፡

አሁን የምንጠቀመው ምሳሌ የሚያሳየው መመሪያ በሚጻፍበት ጊዜ የነበረው የቶር ማሰሻው ስሪት 8.0.3 ነው፡፡ ይህንን በሚያነቡበት ወቅት የበለጠ የተሻሻለ ቶር ማሰሻ ሊኖር ስለሚችል እባክዎን አሁን በስራ ላይ ያለውን እና የቶር ፕሮጀክት የሚያቀርበውን ስሪት ይጠቀሙ፡፡

ቶር ማሰሻን መጫን anchor link

ቶርን አውርዶ ከጨረሰ በኋላ ፋይሉ የወረደበትን ማህደር መክፈት የሚያስችል ምርጫ ሊያገኙ ይችላሉ። በነባሪ የሚወርድበት ሥፍራ የማውረጃ ማህደሩ ነው። “torbrowser-install-8.0.3_en-US” የሚለው ፋይል ላይ ሁለቴ ጠቅ ያድርጉ።

በቶር ብራውዘር መጫኛ ላይ ሁለቴ ጠቅ ካደረጉ በኋላ ስለ ሶፍትዌሩ ምንጭ የሚያስጠነቅቅ መልዕክት የያዘ መስኮት ይከፈታል። ሁልጊዜም እንዲህ ዓይነቱን ማስጠንቀቂያ ከቁም ነገር መውሰድ እና መጫን የፈለጉትን ሶፍትዌር እውነተኛ ቅጂውን ደኅንነቱ የተጠበቀ ግንኙነት በመጠቀም ከኦፊሴላዊ መካነ ድሩ ላይ እንዳገኙት ማረጋገጥ ይገባዎታል። የሚፈልጉት ምን እንደኾነ፣ ሶፍትዌሩን የት እንደሚያገኙት ስለሚያውቁ እና ያወረዱት ደህንነቱ ከተመሰከረለት የቶር ፕሮጀክትስ HTTPS መካነ ድር ላይ እስከኾነ ድረስ ይቀጥሉ እና "Run" የሚለውን ጠቅ ያድርጉ።

ትንሽ መስኮት ይከፈት እና በምን ቋንቋ ቶር ማሰሻውን መጠቀም እንደሚፈልጉ ይጠይቅዎታል። ብዙ አማራጮች አሉ። የሚፈልጉትን ቋንቋ ይምረጡ እና "OK" የሚለውን አዝራር ጠቅ ያድርጉ።

የቶር ማሰሻዎ በኮምፒተርዎ ላይ የት ቦታ እንደሚጫን የሚነግርዎት አዲስ መስኮትን ያገኛሉ። በነባሪ የሚጫንበት ስፍራ ዴስክቶፕ ላይ ነው። ከፈለጉ ይህንን ወደተለየ ቦታ መለወጥ ይችላሉ፤ ነገር ግን ለአሁን በነባሪው ይተውት።

የመጫን ሂደቱ የሚያበቃው የመጫን ሂደቱን ጨርሰዋል የሚል መልዕክት የያዘ መስኮት ሲያዩ ነው። "Finish" የሚለውን አዝራር ጠቅ ሲያደርጉ የቶር ብራውዘር ወዲያውኑ ይጀምራል። “Start Tor Browser” የሚል አማራጭ በኮምፕዩተርዎ ፕሮግራም ዝርዝር እና ዴስክቶፕ ላይ ያገኛሉ፡፡

ቶር ማሰሻን መጠቀም anchor link

ቶር ማሰሻን ለመጀመሪያ ጊዜ ሲጀምር አስፈላጊ ነው ብለው ካመኑ አንዳንድ ቅንብሮች ማድረግ የሚያስችል መስኮት ያገኛሉ፡፡ እንደገና ተመለሰው አንዳንድ ቅንብሮችን ማስተካከል ይችላሉ፡፡ አሁን ግን “Connect” የሚለውን በመጫን ከቶር አውታረመረብ ጋር ለመገናኘት ይሞክሩ፡፡

አረንጓዴ አሞሌ ያለበት ቶር ማሰሻ ከቶር አውታረመረብ ጋር ሲገናኝ የሚያሳይ አዲስ መስኮት ይከፈታል፡፡

የቶር ማሰሻ ለመጀመሪያ ጊዜ ሲጀምር ከተለመደው ትንሽ ሊዘገይ ይችላል። ነገር ግን ትዕግስተኛ ይሁኑ። ከአንድ ወይም ሁለት ደቂቃ በኋላ ቶር ማሰሻ ይከፍት እና እንኳን ደስ አለዎት ይልዎታል፡፡

በእንኳን ደህና መጡ ሠሌዳ አቀባበል ይደረግልዎታል፡፡

ቶር እንዴት እንደሚሰራ የሚያሳይ መልመጃ ለመግኘት በግራ በኩል ከላይ የምትገኘውን ሉል ቅርጽ ይጫኑ፡፡

መልመጃው ቶር ሰርኪዩት እንዴት እንደሚሰራ እና በመስመር ላይ የሐሰሳዎን ግለኝነት እንዴት እንደሚፈቅድ ይገልጻል፡፡

አንዳንድ መደበኛ የድር ማሰሻ አገልግሎቶች በመሃከል ያለ ሦስተኛ ሰው ጥቃት ተጋላጭ ያደርጋሉ። ቀድሞ ሳንካ የነበራቸው ሌሎች አገልግሎቶች ደግሞ የተጠቃሚዎችን ማንነት ይገልጣሉ፡፡ የደኀንነት ተንሸራታቹን ወደ ከፍተኛ ቅንብር ማብራት እነዚህ አገልግሎቶች እንዳይሰሩ ያደርጋቸዋል፡፡ ይህ በከፍተኛ መጠን ባለው ገንዘብ ከሚደጎሙ አጥቂዎች፣ የኢንተርኔት ግንኙነትዎን ሰብረው ከሚገቡ ወይም በእነዚህ አገልግሎቶች ውስጥ ያሉ ያልታወቁ አዳዲስ ሳንካዎች ከሚጠቀሙ ጥቃት ይከላከልዎታል፡፡ አለመታደል ሆኑ እነዚህን አገልግሎትች ማጥፋት አንዳንድ መካነ ድሮችን እንዳይሰሩ ያደርጋቸዋል፡፡ ነባሪው ዝቅተኛ ቅንበር ለዕለት ተዕለት ግለኝነት ጥበቃ ጥሩ ሊሆን ይችላል፡፡ ነገር ግን ውስብስብ ጥቃቶችን ከፈሩ ወይም አንዳንድ መካነ ድሮች በትክክል አለማሳየታቸው ግድ ካልሰጥዎት ከፍተኛ ቅንብርን ማብራት ይችላሉ፡፡

በመጨረሻም በቶር ማሰስ በአንዳንድ መንገዶች ከተለመደው የማሰስ ልማድ ይለያል፡፡ ቶርን ተጠቅመው በአግባቡ ለማሰስ እና ድብቅ ሆነው ለመቆየት እነዚህን ጥቆማዎች እንዲያነቡ እንመክራለን፡፡

አሁን በሽሽግነት ኢንተርኔትን በቶር ማሰሻ ለመጠቀም ዝግጁ ነዎት፡፡