ڈیجیٹل دستخط

معلومات کی اصلیت کی تصدیق کیلئے حسابی تکنیک کا استعمال، اور اس بات کی تصدیق کرنا کہ جب سے یہ تحریر ہوا تھا اس میں کوئی تبدیلی نہیں لائی گئی۔ سافٹ ویئر ڈاؤن لوڈ کیساتھ ڈیجیٹل دستخط کو استعمال کیا جا سکتا ہےتاکہ یہ تسلی ہو کہ جو سافٹ ویئر آپ استعمال کر رہے ہیں وہ با ضابطہ نشر شدہ ورژن سے مطابقت رکھتا ہے اور یہ کہ کسی نے اس کیساتھ چھیڑ چھاڑ نہ کی ہو۔ ان کا استعمال اکثر مرموز ای میل اور دیگر کئی مقاصد کیلئے بھی کیا جاتا ہے۔ جب ایک ڈیجیٹل دستخط کے ذریعے معلومات کو محفوظ نہیں کیا جاتا تو ایک انٹرنیٹ سروس مہیا کاریا دیگر رابطوں کے مہیا کار کسی کا کچھ بھی تحریر کیا ہوا یا نشر کئے گئے مواد کو تبدیل کر سکتے ہیں اور ایسے کسی واقعہ کا کھوج لگانے کیلئے کوئی تکنیکی ذریعہ میسر نہیں ہے۔