የሲግናል አጠቃቀም ለአንድሮይድ

ሲግናል በአንድሮይድ፣ በአይኦኤስ እና በኮምፕዩተር የሚሰራ ነጻ እና ግልጽ ክምችት መተግበሪያ ሶፍትዌር ሲሆን ከጥግ እስከ ጥግ ምስጠራን ለማካሄድ ያገለግላል፤ ተጠቃሚዎች የጽሑፍ፣ የምስል፣ የቪዲዮ መልዕክቶችን ከጥግ እስከ ጥግ ወደ ተመሰጠረ ቡድን እንዲልኩ ይፈቅዳል, በሲግናል ተጠቃሚዎች መካከል የሚደረግ የተመሰጠረ ስልክ ንግግር አገልግሎትም ይሰጣል፡፡  ምንም እንኳን ሲግናል የስልክ ቁጥሮችን እንደግንኙት ማድረጊያ ቢጠቀምም የተመሰጠሩ ንግግሮች እና መልዕክቶች የሚተላለፉት የውሂብ ግንኙነትን በመጠቀም ነው፤ ስለዚህ ሁለቱም ተነጋጋሪዎች በተንቀሳቃሽ ስልኮቻቸው የበየነመረብ መዳረሻ ሊኖራቸው ይገባል፡፡  በዚህ ምክንያት የሲግናል ተጠቃሚዎች ለዚህ አይነት ንግግሮች የአጭር የጽሑፍ መልዕክቶች እና የህብር ሚዲያ መልዕክቶች ክፍያዎች አይጠየቁም፡፡ በአንድሮይድ ሲግናል የሰርክ የጽሑፍ መልዕክት መተግበሪያዎን ይተካል በዚህ ምክንያት ሲግናልን ተጠቅመው ያልተመሰጠሩ አጭር የጽሑፍ መልዕክቶችን መላክ ይቻላል፡፡

በአንድሮይድ ስልክዎ ሲግናል መጫን Anchor link

ቅደም ተከተል 1: ሲግናልን በማውረድ ስልክዎ ላይ መጫን

በአንድሮይድ ስልክዎ ወደ ጉግል ፕለይ ግምጃ በመግባት “Signal”ን ይፈልጉ፡፡ ሲግናል በኦፕን ዊስፐር ሲስተምስ.መተግበሪያውን ይምረጡ::

“Install,” የሚለውን ከተጫኑ በኋላ ሲግናል ስራውን ማከናወን እንዲችል የሚያስችሉ የአንድሮይድ ተግባሮች ዝርዝር ይመለከታሉ፡፡ “Accept.” የሚለውን ይጫኑ፡፡

ሲግናል ወርዶ ከጨረሰ በኋላ፣ መተግበሪያውን ስራ ለማስጀመር “Open” የሚለውን ይጫኑ፡፡

ቅደም ተከተል 2: ስልክ ቁጥርዎን ማስመዝገብ እና ትክክለኛ መሆኑን ማረጋገጥ

አሁን የሚከተለውን ገጽ ይመለከታሉ፡፡ የተንቀሳቃሽ ስልክ ቁጥርዎን ያስገቡና “Register.” የሚለውን ይንኩ

በመቀጠል ስልክ ቁጥርዎን እንዲያረጋግጡ ይጠየቃሉ፡፡ "Continue." የሚለውን ይንኩ

ስልክ ቁጥሩ የራስዎ መሆኑን ለማረጋገጥ ስድስት አሃዝ ያለው ኮድ በአጭር የጽሑፍ መልዕክት ይደርስዎታል፡፡ ሲግናል በስልክዎ ያሉትን አጭር የጽሑፍ መልዕክቶች ማግኘት ስለሚችል የተላከውን ኮድ በራሱ ያረጋግጥና ምዝገባውን ይጨርሳሉ፡፡

ይህ ሂደት ከተጠናቀቀ በኋላ፣ ሲግናል ዋና የአጭር የጽሑፍ መልዕክት መተግበሪያ እንዲሆንዎ እንደሚፈልጉ ይጠየቃሉ፡፡ ይህ ሁሉንም መልዕክቶች በአንድ ስፍራ ለማስቀመጥ ጠቃሚ ይሆናል፡፡ ይህ እንዲሆን ከፈቀዱ በስልካቸው ሲግናል ወደ ያልጫኑ ወዳጆችዎ የሚልኳቸው መልዕክቶች (ምንም እንኳን መልዕክቶቹ ከሲግናል መተግበሪያ ቢላኩም) እንደማይመሰጠሩ ሊገነዘቡ ይገባል፡፡

ሲግናልን መጠቀም Anchor link

ሲግናልን ተጠቅመው ሊደውሉለት የሚፈልጉት ሰው የግድ ሲግናልን መጫን ይኖርበታል፡፡ ሲግናል መተግበሪያን ተጠቅመው በስልክዎ ሲግናልን ወዳልጫነ የሆነ ሰው ለመላክ ቢሞክሩ መተግበሪያው ያልተመሰጠረ መደበኛ መልዕክት ይልካል፡፡ ለመደወል ቢሞክሩ ወደ መደበኛው የስልክ ጥሪ ያስገባዎታል፡፡

ሲግናል በስልክዎ ከተመዘገቡ ወዳጆችዎ መካከል ሲግናል ተጠቃሚ የሆኑትን ዝርዝር ያቀርብሎታል፡፡ ምንም እንኳን ወዲያው ሊባል በሚችል ፍጥነት እንዲጠፋ ቢደረግም ይህንን ሲባል ለማድረግ የወዳጆችዎን ስልክ ቁጥር ዝርዝር የሚወክለው መረጃ ወደ ሲግናል ሰርቨሮች ይጫናል፡፡

የተመሰጠረ መልዕክት እንዴት መላክ እንደሚቻል

ሲግናልን የሰራው ኦፕን ዊስፐር ሲሰተምስ ተጠቃሚዎቹ አዲስ መልዕክት ሲቀበሉ ማንቂያ መልዕክቶችን ወደ እነርሱ ለመላክ የሌሎች ኩባንያዎችን ቴክኖሎጂዎችን እንደሚጠቀም ይገንዘቡ፡፡ ለአንድሮይድ ጎግልን ሲጠቀም ለአይፎን ደግሞ አፕልን ይጠቀማል፡፡ ይህም ማለት መልዕክቱን የተቀበለው ሰው ማን እንደሆነ የሚገልጽ መረጃ ወደ እነዚህ ኩባንያዎች ሊሾልክ ይችል ይሆናል ማለት ነው፡፡

ለማስጀመር በስክሪኑ በታችኛው ቀኝ ማዕዘን ላይ የሚገኘውን የእርሳስ ምልክቱን ይንኩ፡፡

ሲግናልን ለመጠቀም የተመዘገቡ በስልክዎ የተመዘገቡ ወዳጆችዎን በሙሉ የሚያሳይ ዝርዝር ይመለከታሉ፡፡ በስልክዎ ያልተመዘገበ የሲግናል ተጠቃሚ የስልክ ቁጥር ማስገባትም ይችላሉ፡፡ የወዳጅዎን ስልክ ሲመርጡ ለወዳጅዎ የጽሑፍ መልዕክት ወደ መጻፍያ ሠሌዳ ይመጣሉ፡፡ ለሲግናል ተጠቃሚዎች "Send Signal Message" የሚል ጽሑፍ መኖሩን ያስተውሉ፤ ያ ማለት መልዕክቱ እንደሚመሰጠር ያስረዳል፡፡ በሠሌዳው በቀኝ በኩል ከላይ ማዕዘን ላይ የሚገኘው የ"ስልክ" ምልክት የተመሰጠረ የድምጽ ጥሪ ማድረግ እንደሚችሉ ያመለክታል፡፡ ከዚህ ሠሌዳ ከጥግ እስከ ጥግ የተመሰጠሩ የጽሑፍ፣ የምስል ወይም የቪዲዮ መልዕክቶች መላክ ይችላሉ፡፡

ሲግናል በስልካቸው ላልጫኑ ተጠቃሚዎች "Send unsecured SMS" የሚል ጽሑፍ ይመለከታሉ፤ ይህ የተመሰጠረ መልዕክት መላክ አያስችልም፡፡ በሠሌዳው ላይ በቀኝ በኩል ከላይ ማዕዘን የሚታየው የ"phone" ምልክት መደበኛ ያልተመሰጠረ የድምጽ ጥሪ ለማድረግ ያስችላል፡፡

የተመሰጠረ የስልክ ጥሪ እንዴት እንደሚጀመር

የተመሰጠረ ጥሪ ለማድረግ ዕውቂያዎን ይመርጡና የስልክ ምልክቱን ይንኩ፡፡ ከስልክ ምልክቱ ጎን ትንሽ የቁልፍ ጋን ከተመለከቱ ዕውቂያዎ የሲግናል ጥሪን መቀበል እንደሚችል ያውቃሉ፡፡

ስልኩ መጥራት ከጀመረ የሚያደርጉት ጥሪ የተመሰጠረ ነው፡፡

የተመሰጠረ የቪዲዮ ጥሪ እንዴት እንደሚደረግ

የተመሰጠረ የቪድዮ ጥሪ ለማድረግ ከላይ እንደተገለጸው በቀላሉ ወደ አንድ ሰው ይደውሉ፡

በመቀጠልም የቪዲዮ ካሜራ ምልክቱን ይንኩ፤ በዚህም ሲግናል በስልክዎ ያለውን የቪዲዮ ካሜራ እንዲጠቀም ይፈቅዳሉ፡፡ ይህ የእርስዎን ቪዲዮ ለወዳጅዎ ያጋራል(ወዳጅዎም በተመሳሳይ እንዲሁ ማድረግ ይችላል):

የተመሰጠረ የቡድን ውይይት እንዴት እንደሚጀመር

የመትረፍረፍ ምልክቱን(በስክሪኑ በላይኛው ቀኝ ማዕዘን የሚገኙ ሦስት ነጥቦች) በመንካት እና “New group.”ን በመምረጥ የተመሰጠረ የቡድን መልዕክት መላክ ይችላሉ፡፡

በሚቀጥለው ስክሪን ለቡድኑ ስም መስጠት እና ተሳታፊዎችን ወደ ውስጥ መጨመር ይችላሉ፡፡

ተሳታፊዎችን ከጨመሩ በኋላ መኖራቸውን የሠሌዳውን በቀኝ በኩል የላይኛው ማዕዘን በመንካት ማረጋገጥ ይቻላል፡፡ ይህ የቡድን ንግግሩን ያስጀመራል፡፡

የቡድን ምልክት መቀየር፣ ተሳታፊ መቀነስ ወይም መጨመር ከፈለጉ የመትረፍረፍ ምልክቱን(ከላይ በቀኝ ማዕዘን የሚገኙ ሦስት ነጥቦች) በመጫን እና “Update group.” የሚለውን በመምረጥ የሚፈልጉትን ማድረግ ይችላሉ፡፡

ንግግሮችን ድምጽ አልባ ማድረግ

አንዳንዴ ንግግሮች ሐሳብ የሚረብሹ ሊሆኑ ይችላሉ፡፡ ማሳወቂያዎችን ማፈን በተለይ ለቡድን ወይይት ጠቃሚ የሆነ ዘዴ ነው፡፡ አዳዲስ መልዕክት በመጣ ቁጥር አዳዲስ ማሳወቂያዎች አይደርስዎትም፡፡ ይህንን በግሩፕ ውይይት ሠሌዳ ላይ የሚገኘውን የመትረፍረፍ ምልክት (በቀኝ በኩል በላይኛው ማዕዘን የሚገኙ ሦስት ነጥቦች) በመንካት እና “Mute notifications.” የሚለውን በመምረጥ ማድረግ ይቻላል፡፡ በመቀጠል ለምን ያህል ጊዜ ዝም ማሰኛው እየሰራ እንዲቆይ እንደምንፈልግ እንመርጣለን፡፡ ከፈለግን ከአንድ ሰው ጋር በምናደርገው ንግግርም ላይ መጠቀም እንችላለን፡፡

እንዴት እውቂያዎችዎን እንደሚያረጋግጡ

ይህ የመመስጠሪያ ቁልፍ መተግበሪያው ሲያወርደው ( ቁልፍ ማረጋገጫ የተባለ ሂደት) እንዳልተቀየጠ ወይም ከሌላ ሰው ቁልፍ ጋር እንዳልተቀያየረ በመረዳት እየተነጋገሩት ያለው ሰው በትክክል ራሱ መሆኑን የሚያረጋግጡበት ክፍል ነው፡፡ ማረጋገጫው እየተነጋገሩ ያለው ሰው በአካል ሲኖር የሚደረግ የማረጋገጥ ሂደት ነው፡፡

በመጀመሪያ ለወዳጅዎ መልዕክት መላክ በሚፈለጉበት ወቅት ከላይ እንደተገለጸው ሠሌዳውን ይክፈቱ፡፡ እዚህ ሠሌዳ ላይ ሆነው የመትረፍረፍ ምልክቷን (በላይኛው ቀኝማዕዘን የሚገኙ ሦስት ነጥቦች) ይንኩና "Conversation settings." የሚለውን ይምረጡ፡፡

ከዚህ ሠሌዳ ላይ "Verify safety numbers." የሚለውን ይንኩ፡፡

ኪውአር ኮድ እና የ“ደኅንነት ቁጥሮች" ዝርዝር ወደሚያሳይ ሠሌዳ ይመጣሉ፡፡ ይህ ኮድ ለሚያነጋግሩት እንያዳንዱ ሰው ለብቻ ለብቻ የተለየ ነው፡፡ ወዳጅዎም በተመሳሳይ መልኩ ተጓዳኝ ሠሌዳ ቢፈልጉ በሠሌዳቸው ላይ ኪውአር ኮድ ይመለከታሉ፡፡

ወደ እርስዎ የስልክ ቀፎ እንመለስና ኪው አር ኮድዎን ይንኩ፡፡ ይህም ካሜራው የእስርዎ ወዳጅ ሠሌዳ ላይ የሚገኘውን ኮድ እንዲቀርጽ ያደርጋል፡፡. ካሜራውን በኪውአር ኮድ ትክክል ያድርጉ:

ካሜራዎ ኮዱን በመቅረጽ እንዲህ ያለ የማረጋገጫ ምልክት ያደርጋል ብለን ተስፋ እናድርጋለን:

ይህ የወዳጅዎን ትክከለኛነት የማረጋገጥ ሂደት መሳካቱን ያመለክታል፡፡ሠሌዳዎ እንዲህ የሚመስል ነገር ካሳየ ግን የሆነ ስህተት ተፈጥሯል ማለት ነው:

የሰውየውን ቁልፎች ትክክለኛነት እስኪያረጋግጡ ድረስ ሚስጢራዊ ርዕሰ ጉዳዮች ላይ ከመወያየት መቆጠብ ያስፈልግዎታል፡፡

ማስታወሻ ለፓዎር ተጠቃሚዎች: ኪውአር ኮድዎን የሚያሳየው ሠሌዳ የደኅንነት ቁጥርዎን መጋራት የሚያስችል ምልክት በላይኛው ቀኝ ማዕዘን ጋር አለው፡፡ በግለሰብ ደረጃ የሚደረግ ማረጋገጥ ቢመረጥም ፐጂፒን በመሳሰሉ ደኅንነታቸው የተጠበቀ መተግበሪያዎች ወዳጅዎችን ከዚህ በፊት አረጋግጠው ሊሆን ይችላል፡፡የወዳጅዎን ትክክለኛነት ስላረጋገጡ ቀድሞ የተዘረጋውን መተማመን በመጠቀም የሲግናልን ደኅንነት ቁጥሮች ወዳጅዎን በአካል ማግኘት ሳያስፈልግዎ ማረጋገጥ ይችላሉ፡፡ በዚህ ጊዜ የ"share" ምልክቱን በመጫን ከዚያ መተግበሪያ ጋር የደኅንነት ቁጥሮችን ማጋራት እና የወዳጅዎን የደኅንነት ቁጥር መላክ ይችላሉ፡፡

የሚደመሰሱ መልዕክቶች

ሲግናል “የሚደመሰሱ መልዕክቶች” የሚባል ከእርስዎ እና ወዳጅዎ የስልክ ቀፎዎች መልዕክቶች ከታዩ በኋላ በተወሰነለት የጊዜ ገደብ ውስጥ የሚደመስስ አገልግሎት አለው፡፡ ለንግግር “የሚደመሰሱ መልዕክቶች”አገልግሎትን ለማስጀመር ለወዳጅዎ መልዕክት ማስፈር የሚያስችሎትን ሠሌዳ ይክፈቱ፡፡ ከዚህ ሠሌዳ የመተረፍረፍ ምልክቱን(በቀኝ በኩል በላይኛው ማዕዘን የሚገኙ ሦስት ነጥቦች) ይንኩ እና "Disappearing messages." የሚለውን ይምረጡ፡፡

ቀጥሎ በምን ያህል ፍጥነት መልዕክቱ እንደሚደመሰስ ለመምረጥ የሚያስችል አዲስ ሰሌዳ ይከሰታል፡፡

ይህንን አማራጭ ከመረጡ በኋላ በንግግር ላይ ሳሉ “የሚደመሰሱ መልዕክቶች” እየሰራ እንደሆነ የሚያሳይ መረጃ ይመለከታሉ፡፡

አሁን መልዕክቱ ከመረጡት ጊዜ ቆይታ በኋላ እንደሚደመሰስ እርግጠኛ ሆነው መልዕክቶችን መላክ ይችላሉ፡፡

Last reviewed: 
2017-03-17
ይህ ገጽ ከእንግሊዘኛው ቅጂ የተተረጎመ ነው፡፡ የእንግሊዘኛው ቅጂ ምን አልባት የበለጠ የዘመነ ይሆናል፡፡
JavaScript license information