የትዕዛዝ መስመር መሣሪያ

"የትዕዛዝ መስመር" ቆየት ያለ ተከታታይ እና ራስ መር ትዕዛዞችን ለኮምፒውተር መስጠት ማለት ነው። (በሳይንስ ልቦለድ ፊልሞች ውስጥ ተስጥዖ ያላቸው ብልህ ሕጻናት በጥቁር ስክሪን ላይ የሚያስገቧቸውን አረንጓዴ እና ረዘም ያሉ ጽሑፎች ካስታውሱ የትዕዛዝ መስመር ስንል እንደነሱ ያሉትን ማለታችን ነው)። የትዕዛዝ መስመር መሣሪያን ለመጠቀም ተጠቃሚው የተለያዩ ትዕዛዞችን ተርሚናል ኢሙሌተር በሚባል መስኮት ላይ ጽፎ በቁልፍ ሰሌዳ ላይ የሚገኝውን የኢንተር ወይም የሪተርን ቁልፍን ሲጫን በዛው መስኮት ላይ ለትዕዛዙ መልስ ያገኛል። አሁን ድረስ የዊንዶስ፣ የሊኒክስ እና የአፕል ዴስክቶፕ ኮምፒውተሮች ይህንን የትእዛዝ መስመር ማስኬጃ ሶፍትዌር መጫን ይፈቅዳሉ። በተጨማሪም አንድ አንድ የተንቀሳቃሽ ስልኮች ትክክለኛ መተግበሪያ ካገኙ የትዕዛዝ መስመርን ማስኬድ ይችላሉ። የትዕዛዝ መስመር ከኮምፒውተርዎት ስርዓተ ክውና ጋር አብረው ተጭነው የሚመጡ ሶፍትዌሮችን ለማሠራት ጥቅም ላይ ሊውል ይችላል። አንድ አንድ የሚወርዱ በተለይም ለቴክኒካዊ ነገሮች የሚጠቅሙ ፕሮግራሞች በልምድ በምንጠቀምባቸው አዶዎች እና ቁልፎች ምትክ የትዕዛዝ መስመርን ይጠቀማሉ። የትእዛዝ መስመር ከባድ ሊመስልዎት አይገባም። ይኹንና ተገቢውን ውጤት ለማግኘት ትክክለኛ የፊደሎችን እና የአሃዞችን ቅደም ተከተል ማስገባት ግን ያስፈልጋል። አብዛኛውን ጊዜ የሚፈልጉትን ውጤት ካላገኙ ማድረግ የሚጠበቅብዎት ምን እንደኾነ ግልጽ አይደለም።

JavaScript license information